![Celia Rodriguez kinuyog ng mga Vilmanians, may patama nga ba kay Ate Vi?]()
“ANG eulogy dapat tungkol sa namatay (lang), hindi dapat nandadamay ng ibang tao,” ito ang opinyon ni Romel Chika na ibinahagi niya sa “Showbiz Now Na” vlog nila nina Nanay Cristy Fermin at Wendell Alvarez na mapapanood sa YouTube channel.
Nag-ugat ang sinabing ito ni Romel Cika sa eulogy ng beteranang aktres na si Ms Celia Rodriguez sa huling lamay ng National Artist at Superstar na si Ms Nora Aunor sa Heritage Memorial Funeral Homes dahil hindi siya naging sensitibo sa mga sinabi niya.
Nag-react ang Vilmanians sa binitiwang mga salita ng beteranang aktres na bukod tanging ang namayapang si Ms Nora lang ang puwedeng maging National Artist at wala ng iba pa.
Baka Bet Mo: Celia Rodriguez: Isa lang si Nora! ‘Yung gustong pumalit sa kanya, you will fail!
“Matindi ang hinampo/galit ng mga Vilmanians kay Ms Celia Rodriguez, kung babasahin mo ‘yung mga post sa social media at sa kani-kanilang mga vlog ay talagang nandoon ‘yung matindi nilang hinampo kung bakit parang pinaringgan ni Manay Celia ang kanilang idolo, ang Star for All Seasons na si Ms Vilma Santos tungkol sa National Artist Award,” pahayag ni ‘Nay Cristy.
Nasambit ng SNN host na hindi niya napanood ang mga pahayag na ito ng batikang aktres hanggang sa nakuha ng director ng kanilang online show na si Tom Nava ang buong footage ng eulogy ni Ms Celia.
“Dalawang footage ‘yun na magkaiba ang sinasabi at napanood natin (kasama sina Romel Chila at Wendell) may dahilan pala kung bakit matindi ang mga hinampo ng Vilmanians kay manay Celia,” say ni nanay Cristy.
Sagot ni Romel Chika, “Oo sabi niya ‘walang susunod sa iyo (Nora) nag-iisa ka lang.”
Ipinakita ang video ni Ms Celia na ang pahayag niya ay, “Sa ngayon, wala pang susunod kay Nora Aunor wala! Mag-isa lang siya! At ‘yung gusting pumalit sa kanya, you will fail dahil siya ay tunay na tao!”
“Di na parang ‘yung pagkasabi niyang ‘yun kahit naman sino (masasaktan) tulad ko halimbawa Vilmanian alam naman natin na maingay na gustung-gusto ng mga Vilmanian hindi si Ms Viilma ha, mga Vilmanian ang nagpu-push na ‘sana ang aming idolo rin mabigay ng National Artist pero nu’ng sinabi niya (Ms Celia) parang ano ‘to?” katwiran ni Romel Chika.
“Ganito lang ‘yan, okay pa kasi sabi naman niya (Celia) opinyon lang naman niya ‘yun at ang bawat tao naman po ay entitled sa kanyang sariling opinyon.
“Palagay ko nagkaroon ng mas malinaw nag alit ang Vilmanians nu’ng magbanggit si manay Celia ng mga pangalan.
“Binanggit niya kasi Tita Gloria Romero, Eddie Garcia, pagkatapos Lea Salonga (sabay pakita ng video na binanggit ang mga personalidad).
“Doon po, ako magpapakatotoo, kung ako ‘yung magsasalita ng eulogy para kay Nora Aunor alam ko sa sarili ko, next to Nora is Vilma. Alam ko sa sarili ko ‘yun kaya kung tatanungin ako kung sino ang susunod na gagawaran ng Pambansang Alagad ng Sining, ang nasa utak ko, Vilma Santos.
“Kasi kung body of work ang pagbabasehan hindi nagkakahuli at sino po ba naman talaga ang pinaglalaban, Nora at Vilma, Vilma at Nora.
“So, kapag ako ang nagsalita, ako ito ah, kung ako’y magsasalita dahil NOranian ako, ang nasa isip ko at lalabas sa bibig ko, isa si Vilma Santos.
“Hindi ko pupuwedeng lampasan ‘yun! ‘Yung pangalan ni Ate Vi at saka ‘yung iisipin ko, ako’y nagsasalita sa harap ng mga Noranians. Nagsasalita ako sa isang grupo na ang dinadakila ay isang Nora Aunor na natural nagpapalakpakan sa aking mga sinasabi, at siyempre pag nagpapalakpakan lalo tayong nasasaksakan ng bitamina at suwero para mas magsalita pa na hindi natin inaakala na meron pala tayong nasasgasaanat nasasaktan, di ba?”paliwanag ni nanay Cristy.
Susog ni Romel Chika, “ako ‘nay kung ako si Ms Celia Rodriguez ‘yung opinyon niya okay na ‘yun pero ‘yung magbanggit ka ng mga pangalan tapos tapos ‘yung inaasahan ng mga taong marinig nilampasan mo.”
Sabi pa ni ‘nay Cristy, “at mayroon ka pang patutsada ‘yung susunod na maga-ambisyong maging Nora Aunor, she will fail (pinakita ulit ang video).”
Dagdag din ni Romel Chika , “oo at sa pagsasalita niya mayroon siyang gusting patungkulan at hindi lang niya mapangalanan.”
Nasambit din ni Ms Celia na bumili ng lang ng awards sabay pakita ng video ulit na sinabi ito ng batiking aktres.
At aware naman din si ms Celia na maraming magre-react sa mga sinabi niya sa eulogy at ipinakita ulit ang video, “iba-bash na naman ako ng ibang tao okay lang i-bash ninyo ako, nagpapakatotoo lang ako.”
“Sa sinabi niyang hindi ako natatakot ma-bash, meron siyang name in her mind na hindi lang niya masabi,” saad ni nanay Cristy.
Anyway, tsinek namin kung nagkasama na sina Ms Celia at Ate Vi sa projects at nabilang namin namin na umabot na saw along pelikula ang pinagsamahan nilang dalawa tulad ng Lipad Darna Lipad (1973); Kampanerang Kuba (1974); Biktima (1974); Karugtong ng Kahapon (1975); Mga Rosas sa Putikan (1976); Coed (1979); Darna at Ding (1980) at Hiwalay (1981).
Nabanggit din ni ‘nay Cristy na pinupuri ni Ms Celia si ate Vi (sabay pakita ng lumang larawang magkasama ang dalawa).
“Opinyon niya (ms Celia) ‘yun, siya ay pinagsalita siya at siya naman ay nagkusa pero sa kanyang pagsasalita hindi siya masyadong naging sensitibo,” opinyon ni nanay Cristy.
Samantala, tsinek din naman kung nakailang projects sina Ms Celia at ang namayapang National Artist at Superstar ay naka-lima naman sila.
Nagsama sila sa mga pelikulang Super Gee (1973); Sapagkat Kami’y Mga Misis Lamang (1976); Palengke Queen (1982); Bulaklak sa City Jail (1984) at Naglalayag (2004).
Maaring sabihing mas nakalalamang ang pagsasama nina Ms Vilma at Ms Celia pero hindi rin pupuwedeng itsupuwera ang sa kanila ni Ms Nora dahil baka kasi sa mga panahong iyon ay mas aktibo sa paggawa ng pelikula ang Star for All Seasons kaysa sa Superstar.
Anyway, totoo naman din talaga na kapag may Nora at may Vilma na naiisip ding siya na susunod na National Artist
The post Celia Rodriguez kinuyog ng mga Vilmanians, may patama nga ba kay Ate Vi? appeared first on Bandera.
(@diegoloyzaga)
(@dr.rfdsmile)
