Kyle Jennermann a.k.a. Kulas at Therine Diquit

ENJOY na enjoy ang kilalang Filipino-Canadian travel vlogger na si Kyle Jennermann o “Kulas” at misis niyang si Therine Diquit sa selebrasyon ng “Sayaw sa Obando“.

Talagang nakisayaw din nang bonggang-bongga sina Kulas at Therine sa naturang event last Sunday, May18, na ginanap sa National Shrine of Nuestra Señora de la Inmaculada Concepción de Salambao sa Obando, Bulacan.

Ito ay isa sa pinakamatandang tradisyon sa Pilipinas kung saan nagsasayaw ng mga mag-asawa sa Obando para ipagdasal ang pagkakaroon ng anak.

Karaniwang dumadalo rito ang mga mag-asawang matagal nang nagsasama pero hindi pa nabibiyaan ng anak.

 

View this post on Instagram

 

A post shared by Kyle Jennermann (@becomingfilipino)

“The National Shrine of Our Lady of Salambao. Today is the first of three days of Fiesta in Obando, Bulacan. Stopped by this evening,” ang mababasa sa caption ng Facebook post ni Kulas.

Makikita sa FB post ng sikat na travel vlogger ang mga litrato ng kanyang wifey habang nakikisayaw at nakikisaya sa naturang annual celebration.

Sa mga hindi pa masyadong aware, ang pagsasayaw ng mga mag-asawang hindi magkaanak sa Obando, Bulacan ay kilala rin sa tawag na Obando Fertility Dance o Obando Dance Festival.

Naniniwala ang ating mga ninuno noon na maaaring mabigyang-katuparan ang kagustuhan ng mga mag-asawa na mabuntis at mabiyayaan ng supling.

In fairness, hanggang ngayon ay marami pa ring nagsasayaw sa Obanda upang ipakita ang kanilang pananampalataya sa Panginoon kasabay ng kahilingan na magkaroon ng anak.

Ginaganap ang tradisyon na ito tuwing buwan ng Mayo sa bayan ng Obando kung saan binibigyang-pugay sa mga santong sina San Pascual Baylon, Santa Clara, at Nuestra Señora de Salambao.

Stock photo

PROBLEMADO ang isang female employee sa kanyang boyfriend – feeling kasi niya ay pinagdadamutan siya nito at walang paki sa mga pinagdaraanan niya sa buhay.

Three years na raw sila ng kanyang dyowa at nararamdaman naman niya na mahal siya nito pero limitado nga lang dahil may mga pagkakataon na dedma lang ang guy kapag may mga problema at isyu siya sa pamilya.

Gusto niyang humingi ng payo sa mga makakabasa ng open letter niya na in-upload sa Facebook page na Peso Sense kasabay ng pakiusap na huwag nang ilagay ang kanyang identity.

“Gusto ko lang sana humingi ng advice about sa nararamdaman ko sa boyfriend ko kung pinag dadamutan nya  ba ako. ALAM KO GIRLFRIEND PA LANG AKO AT HINDI ASAWA pero parang doon na rin papunta,” ang simulang pagsusumbong ng anonymous letter sender.

Pagpapatuloy niya, “3 years na po kami ng boyfriend  ko at wala po akong problema sa kanya, ni hindi po sya umiinom, hindi rin mabarkada at never din po sya nagloko.

“Okay naman po ang pagsasama namin sa 3 years, may mga konting tampuhan pero nag kakaayos din.

“Pero ang napapansin ko po kase sa kanya hindi po sya sweet or yung wala man lang ganap sa mga monthsary or anniversary namin or kahit sa anong special moment na nangyayari sa amin.

“May time na mama nya pa mismo nagsusulsol sa kanya na surpresahin ako at syempre na appreciate ko naman yun.

“Naiisip ko na baka di nya ginagawa yung mga bagay na yun ay dahil ang tingin nya sa akin ay di naman ako high standard na babae or di ako materialistic,” lahad ni Ate Girl.

Sabi pa niya, may time raw na nagse- share siya sa mga gastos nila ng dyowa pero may times na walang-wala talaga siya kaya no choice kundi mangutang muna sa boyfriend niya.

“Need ko sana ng pera pang bayad sa tuition pero ang sagot nya naman po ay wala daw syang pera, okay lang naman sa akin kase nga bakit mo naman pipilitin ang isang tao na wala nga, pero ang nagpasakit ng loob ko ng makita ko ang story ng kanyang tita (step mother) na may bagong oven, guess who kung sino ang bumili, edi sya.

“Nu’ng una po inintindi ko na baka mas kelangan na kelangan yun nila pero nasaktan lang ako na kahit katiting lang di nya ako napahiram. Tama po ba yung naramdaman ko?

“Nawalan po sya ng trabaho at ako po ang nag hanap ng work nya, sinamahan ko din sya sa mga interview nya at sa madaling sabi na hired po sya.

“Meron din po akong trabaho at ayun nga po na pareho kaming kumikita pero may mga oras po na walang wala talaga ako dahil breadwinner din ako sa pamilya.

“May time po na nag sshare ako sa kanya na wala na talagang pera kase andami kong binayaran, na kung saan pwede kaya makahiram pero as usual parang wala lang sa kanya.

“Nahihirapan ako kung tama ba tong mga nararamdaman ko kase nga magpo 4 years na din kami at plano na din namin mag sama, ang sa akin lang kung ganito pa lang na di kami mag asawa pinag dadamutan nya na ako how much more kung nagsama na kami sa iisang bahay.

“Hay nako ang hirap. Kaya doble kayod po talaga ako ngayon,” pagbabahagi pa ng letter sender.

O ano pang hinihintay n’yo mga ka-BANDERA? Pasok! Comment down below na para sa mga advice n’yo kay Ate Girl!

Photo from Facebook

MAY iniutos pala si dating Pangulong Rodrigo Duterte kay former Executive Secretary Atty. Salvador Medialdea noong bumibiyahe na sila patungong The Hague, Netherlands.

Talagang nagmarka raw kay Medialdea ang naging pahayag sa kanya ni Duterte habang nasa eroplano sila papunta sa The Hague matapos ngang ipaaresto ng International Criminal Court (ICC).

Tandang-tanda pa raw niya ang utos ni Duterte para sa mga kasamahan nila sa loob ng eroplano kabilang na ang mga umaresto sa kanya sa Ninoy Aquino International Airport (NAIA).

Sa isang panayam kay Atty. Medialdea, sinabi nito na sa kabila ng ginawang pag-aresto sa kanya sa bisa ng arrest warrant mula sa ICC ay ang kapakanan pa rin ng mga kasama nila sa eroplano ang iniisip nito.

“Ang unang tanong niya sa akin nu’ng naglanding na kami, ‘May pera ka ba diyan?’ sabi ko mayroon akong, meron yata akong 550 dollars na Hong Kong kasi galing kaming Hong Kong eh, yun lang ang laman ko tsaka may card ako,” pahayag ni Medialdea.

Dugtong ng kaibigan ng dating presidente, “Oh sige, pagdating natin sa airport pakainin mo lahat ng kasama natin sa eroplano. Gutom na gutom lahat ‘yan.’

“Kalaban n’ya yun ah, yun pa yung nanghuli sa kanya. (Sabi pa niya) ‘And then bilihan mo sila ng mga jacket nila kasi napakalamig.’ Hindi n’yo alam yung mga istorya na ‘yan eh,” pagbabalik-tanaw ni Medialdea.

Kasalukuyan pa ring nasa ICC custodial center sa The Hague si Duterte dahil sa umano’y mga nagawa niyang “crimes against humanity” kaugnay ng ipinatupad niyang “war on drugs” noong siya pa ang pangulo ng bansa.

Winwyn Marquez

REFRESHING mapanood ang beauty queen-actress na si Winwyn Marquez sa morning show ng GMA 7 na “Unang Hirit.”

Tinawag siyang pinakabagong “host-mate” ng programa na fresh na fresh pa rin ang awrahan after ng pagsabak niya sa Miss Universe Philippines 2025 pageant ilang linggo na ngayon ang nakararaan.

Sa panayam ng mga original co-host ng programa kay Winwyn, kinumpirma nitong ibang-iba na ang sistema at feels ng pageant scene mula nang lumaban siya noong 2017 at manalo bilang Reina Hispanoamericana.

Isa raw sa mga pinakamalaking pagbabago sa mundo ng pageantry ay ang matinding impact ng social media sa bawat kandidata.

“Medyo struggle, pero kinaya naman,” ang pahayag ni Winwyn sa naging journey niya bilang representative ng Muntinlupa sa Miss Universe Philippines 2025 at itinanghal na 1st Runner-up.

Kasunod nito, tila nagbago rin ang naging pahayag ng aktres tungkol sa pagsali muli sa beauty pageant. Nabanggit kasi niya na baka last pageant na niya ang Miss Universe Philippines 2025.

 

View this post on Instagram

 

A post shared by Winwyn Marquez (@teresitassen)

“Kaya ko siya nabanggit kasi sobrang overwhelming. Lahat natapos na, gusto ko na umuwi, kaya nabanggit ko siya. Pero ako kasi, hindi natin alam kung anong mangyayari bukas, so, we’ll never know,” paglilinaw ng Kapuso star na mukhang palaban pa rin sa pagkuha ng inaasam na titulo at korona.

Si Ahtisa Manalo ang kinoronahang Miss Universe Philippines ngayong taon at siya ang magiging bet ng Pilipinas sa gaganaping Miss Universe 2025 sa darating na November.

Nauna rito, ibinandera ni Winwyn kung paano siya sinuportahan ng kanyang amang si Joey Marquez sa sinalihang pageant.

Proud na proud daw sa kanya si Tsong Joey nang makita ang kanyang 1st
Runner-up sash. Sabi niya sa panayam ng “Fast Talk with Boy Abunda”, “Tuwang-tuwa siya. Sabi ko I love my parents for just raising me the way they raised me.”

Bukod daw sa iniregalo sa kanyang painting ng ama, “May voting system kasi ang Miss Universe Philippines. Grabe siya mag-vote, Tito Boy. Feeling ko lahat ng products, nabili na niya para iboto ako. At ang ginawa niya do’n sa products, pinamigay niya sa lahat ng kakilala niya.

“My dad was really invested in the pageant because he was happy that I was happy,” sey pa ni Winwyn.

Sara Duterte at Chel Diokno

MAY tatlong dahilan kung bakit  sinuportahan at patuloy na isinusulong ng Akbayan party-list ang impeachment trial laban kay Vice President Sara Duterte.

Muling ibinandera ng Akbayan, ang nangunang party-list sa katatapos lamang na 2025 midterm elections, ang kanilang laban para sa impeachment ng bise presidente.

Sa pagharap sa media si Akbayan party-list 1st nominee Chel Diokno kasama ang dalawa pang co-nominees niyang sina Percival Cendana at Dadah Kiram Ismula, natanong ng ang tungkol kay VP Sara.

Nabanggit ni Diokno kung anu-ano ang gusto nilang mapatunayan sa inaabangang impeachment trial laban sa pangalawang pangulo.

“Ang impeachment trial ay isang civilized legal process. At ang mangyayari doon ay malalaman ng buong bansa katotohanan,” saad ni Diokno sa panayam sa kanya ng media.

Aniya pa, “Kaya nga kami ay sumusuporta sa impeachment ay dahil gusto namin ng unang-una malaman ang katotohanan.

“Pangalawa, ay magkaroon ng pananagutan at pangatlo ay hustisya para sa bayan,” sabi pa ng bagong halal na kongresista.

Isa ang Akbayan sa mga nag-endorso ng impeachment complaints laban kay VP Sara noong Disyembre na inihain naman ng iba’t ibang civic society leader, religious leaders at advocacy groups.

Inaasahang magsisimula ang impeachment trial laban kay VP Sara pagkatapos ng State of the Nation Address (SONA) ni Pangulong Bongbong Marcos sa darating na July, 2025.

Nauna nang nagpahayag ng tila pagbabanta si Sara Duterte hinggil sa kanyang impeachment trial kung saan siya niyang mas nais niyang magkaroon ng isang madugong impeachment.

Nitong nagdaang Sabado, May 17, sinabi ni VP Sara na gusto niyang matuloy ang impeachment laban sa kanya,  “Sinabihan ko na rin talaga sila. I truly want a trial because I want a bloodbath talaga.”

Inalmahan naman ito ni congresswoman-elect (ML party-list) Leila de Lima sa pamamagitan ng kanyang Facebook page.

“Diyan naman sila magaling eh: braggadocio, mindless arrogance, toxic rhetoric, violence,” resbak ni De Lima.

Parehong tinanggap sina Diokno at De Lima ang alok sa kanila na maging impeachment prosecutors sa trial ni VP Sara.

Diwata

BUMUWELTA ang social media personality na si Diwata sa mga basher na tila tuwang-tuwa pa na hindi nanalo ang Vendors party-list sa nagdaang eleksyon.

Inaasar at inookray kasi si Diwata o Deo Balbuena sa tunay na buhay, ng mga netizens dahil hindi nakapasok ang naturang partylist sa mga nagwagi kung saan isa siya sa mga naging nominee.

Sa isang Facebook Live ay nagsalita nga ang viral paresan owner tungkol sa pagkabigo ng kanilang grupo na makakuha ng pwesto sa kongreso.

“‘Talo ka Diwata,’ eh ano naman ngayon?” simulang pahayag ni Diwata sa mga basher.

Katwiran niya, “Ganu’n naman talaga, hindi naman lahat panalo, may talo, ibig sabihin hindi para sa amin ‘yong ano… meron para sa amin. Ganu’n lang ‘yun, relax lang, chill-chill lang!”

Pagpapatuloy pa niya, “Ganoon pa man, maraming salamat pa rin sa mga sumuporta, ganu’n talaga ang laban, hindi lahat ay pinapalad na manalo. Mayroon talagang natatalo…tanggap namin ‘yun.”

Inamin naman ni Diwata na totoong may panghihinayang sa kanilang pagkatalo, pero ipinagdiinan niya na hindi sa eleksyon natatapos ang layunin nilang lumaban para sa karapatan ng mga vendor at maliliit na negosyante sa bansa.

“Tanggap namin ang resulta. Pero kahit hindi kami nanalo, hindi doon natatapos ang pagtulong. Sa tindahan man o sa labas nito, tuloy ang serbisyo para sa mga vendor na kagaya ko,” aniya pa.

Samantala, naiproklama na nga kahapon ng Commission on Elections (Comelec) ang 53 partylist groups na nakakuha ng pinakamaraming boto sa katatapos na midterm elections.

Pero ang bilang sa House of Representatives ay nakadepende pa rin sa magiging final decision ng Comelec.

Ito kasi ay naka-basedsa 2009 Supreme Court ruling, pati na rin sa mga desisyon sa disqualification case na hanggang ngayon ay hinihintay pa.

Naganap ang proklamasyon kahapon, May 19, at batay sa national certificate of canvass, nanguna ang Akbayan party-list na may 2,779,621 boto o katumbas ng 6.63% ng kabuuang 41,658,790 na boto para sa party-lists.

Muling bumangon ang Akbayan matapos itong mabigong makakuha ng puwesto sa Kongreso noong 2019 at 2022 elections.

Maliban sa sa kanila, ang Duterte Youth (2,338,564 boto o 5.57%) at Tingog (1,822,708 boto o 4.34%) ay inaasahang makakakuha rin ng maximum na tatlong pwesto bawat isa.

Gayunpaman, hindi pa tiyak ang upuan para sa Duterte Youth dahil sa isang pending na kaso na inihain pa noong 2019.

Ayon sa petisyon, dapat daw ay ideklarang walang bisa ang kanilang registration dahil inaprubahan ito ng Comelec en banc nang walang tamang publication at hearing, na labag sa Party-List System Act of 1995 (Republic Act No. 7941).

Samantala, kinumpirma ni Comelec Chairman George Erwin Garcia na dalawang party-list ang hindi muna isinama sa proklamasyon dahil sa mga kasong isinampa laban sa kanila.

“We have two party-lists who will not be proclaimed, the National Board of Canvassers suspended their proclamation because of their pending cases,” sey ni Garcia sa isang press conference.

Sa kabuuan, aabot sa 50 iba pang party-list ang inaasahang magkakaroon ng pwesto sa ika-20 Kongreso ng Pilipinas.

Tom Rodriguez at Baby Korben

IBINANDERA ng Kapuso actor na si Tom Rodriguez sa buong universe kung gaano siya kasaya ngayon bilang isang hands-on tatay.

Base sa mga ipino-ppst ni Tom sa social media, kitang-kita naman kung paano niya ine-enjoy ang pagiging ama sa anak niyang si Baby Korben.

Sa kanyang Instagram account, ibinahagi ng aktor ang video ng anak kung saan makikita ang paglalaro nito sa kanilang bintana. Sa kanyang caption, sinabi ng Kapuso star na napakaraming nagbago sa buhay niya mula nang dumating ang anak.

“Every day with you has been a quiet kind of magic, my son. Your laughter fills our home, your wonder fills our hearts, and your presence–however small–has made our world infinitely bigger,” ang simulang bahagi ng mensahe ni Tom.

Dagdag pa niya, “Your momma and I still catch each other smiling and asking, how did we ever get this lucky?

“And we mean it, every single time,” ang pahayag pa ng aktor.

Bumuhos naman ang magaganda at positibong komento ng mga netizens tungkol sa pagiging mabuting tatay ni Tom, pati na rin sa current partner niya, ang nanay ni Korben.

May ilang bashers na nambasag sa kanya sa socmed pero mukhang dedma lang ang aktor sa mga ito.

Matatandaang sa isang presscon ay diretsahang inamin ni Tom na tatay na siya, “Kasi sila yung inspiration ko talaga. At kahit malayo man kami sa isa’t isa ngayon, sana huwag nila akong iwan.

“I’m a happy new dad to a very, very healthy and beautiful baby boy. He’s four months old today.

“He’s my constant source of inspiration and he makes me so happy. I’ve never experienced happiness at this level.

“Akala ko, hindi posible. Akala ko, na-experience ko noon, kasiyahan dati, but… wow!” aniya.

Sinabi rin niya ayaw niyang i-deny ang kanyang anak, “I wouldn’t want that for me as well. So I wouldn’t want him growing up na yun din ang mararamdaman niya.

“I’m very proud, I’m very happy. I learned now, biggest learnings from the past few years of my life, that you really have to ano…I love to work, I’m very thankful for it, and I love the industry. Pero you do need now the reason. Para sa kanya din yun.

“It’s something I wanna pass down to him. I wanna teach him to have proper boundaries between your main life and your professional life,” sabi pa ni Tom.

John Prats at Isabel Oli (Photo from Nice Print Photography Instagram)

MULING nagpakasal ang celebrity couple na sina John Prats at Isabel Oli  bilang bahagi ng kanilang 10th wedding anniversary celebration.

Mas pinagtibay pa ng mag-asawa ang kanilang pagsasama matapos mag-renew ng kanilang wedding vows para sa isang dekada nilang pagsasama.

Dalawang beses nagpakasal sina John at Isabel noong May 16, 2015 – una sa pamamagitan ng isang church ceremony sa Our Lady of Peace and Good Voyage Parish Church sa Balete, Batangas, at ang sumunod ay ang kanilang Christian wedding sa Nayomi Sanctuary Resort sa parehong araw din.

Makikita sa Instagram page ng Nice Print Photography ang mga litrato ng mag-asawa sa muli nilang pagpapakasal na ginanap sa pagmamay-ari nilang Nayomi Sanctuary Resort sa Balete, Batangas.

Ang caption sa post ay, “Marriage is commitment, daily. Choosing your spouse over and over again and saying I Do to the same person for the rest of your lives.

“Congratulations on your 10th year @johnprats and @isabeloliprats!”

 

View this post on Instagram

 

A post shared by 𝐈𝐬𝐚𝐛𝐞𝐥 𝐎𝐥𝐢-𝐏𝐫𝐚𝐭𝐬 蘇 心 心 (@isabeloliprats)

Sa kanya namang Instagram account, idinaan ni Isabel ang kanyang anniversary message para sa asawang aktor at direktor.

“Wow, 10 years married to my childhood crush and best friend.

“It’s been such a wild, beautiful ride filled with love, laughter, binge-watching documentaries or crime investigation shows, and spontaneous joyrides just for the fun of it.

“Who knew random night rides could be so much fun? They say time flies when you’re with the right person, and honestly, it feels like we blinked and suddenly we’re celebrating a whole decade.

“I’m so grateful to God for blessing me with him. Proof that prayers really do get answered, sometimes with midnight snacks, Netflix marathons, and joyrides under the stars.

“Here’s to many more years of love, laughter, crazy adventures, and making more unforgettable memories together… by God’s grace.

“Love you Hubbah!” ang buong pahayag ng hindi na aktibong aktres.

Sagot naman ni John sa comments section ng IG post ni Isabel, “Ganda ng message ah.”

Andi Eigenmann

BUMUWELTA ang aktres na si Andi Eigenmann sa mga nagsasabing parang pinabayaan na niya ang sarili sa ilang taong paninirahan sa Siargao.

Ayon sa ilang netizens, napapansin nila na ibang-iba na ngayon ang itsura ni Andi kumpara noong unang dating niya sa nasabing isla at lalo na noong nag-aartista pa siya.

Simula raw noong magdesisyon siyang manirahan sa Siargao kasama ang fiancé na si Philmar Alipayo at ng kanilang mga anak ay parang natuyot at nalosyang daw siya.

Tila rumesbak naman ang wifey ni Philmar sa mga shamers sa social media at ibinandera pa ang skincare products na ginagamit niya sa kanyang  face and body pati na ang inilalagay niya sa buhok kontra sa matinding sikat ng araw.

“For the most assumed assumption about me: ‘pinabayaan nya talaga ang sarili nya,'” ang sey ni Andi sa kanyang Instagram post.

“People often assume that just because I love being under the sun or in the ocean, I don’t care about my skin’s health.

“PSA it’s not the sun itself that ruins your skin– it’s neglecting to protect it. This is exactly why I make the effort to care for it even more,” chika pa ng aktres.

Pagpapatuloy pa niya, “Sometimes I would still forget but now that I’ve been 27 for 7 years now, I am making it a point to always remember!”

 

View this post on Instagram

 

A post shared by Andi Eigenmann (@andieigengirl)

Sunud-sunod naman ang reaksiyon ng netizens sa post ni Andi, karamihan ay nagtanggol sa kanta kontra bashers pero meron pa ring nambasag sa kanya.

“Island queen! That background, like you, is Gorgeous!”

“You always look beautiful.”

“Aminin naman natin, na chumaka talaga sya, lagi kasi sa araw, parang naging tuyot, layo na ng itsura nya dati, mas fresh sya.”

“For sure inaatake namn sya dahil sa physical looks na hindi nagaayos. Keri lang kahit ganyan na look niya maganda pa din si Andi. Yun mga haters kahit anong gawin ayos chaka pa din.”

“They assume cos they expect an island girl to be all glammed up with make-up and all that they used to see on you way back your city/active actress era..but real beauty and glam is by being you and not allowing societal standards define You. Stay that beautiful you, gorgeous island lady!”

“Wear your sunscreen people. The younger the better. Wrinkles, uneven skin tones, dark spots, freckles, and cancer comes from the UV sun. If you think it’s not sunny, still wear sunscreen and don’t neglect your hands treat it like your face as it gets affected much worst than your face.”

“Naniniwala naman ako na may pang skin care si ante. Yung texture kasi ng skin niya, mukang ang dry kaya siguro napapansin.”

David Licauco at Jaime Licauco

BAGO pumanaw ang kanyang lolong si Jaime Licauco, talagang naglalaan ng panahon ang Kapuso star na si David Licauco para mabisita at maka-bonding ito.

Napakaraming magaganda at inspiring na kuwento ng Pambansang Ginoo tungkol sa kanyang lolo na isang kilalang writer, professor at columnist.

Pumanaw si Jaime Licauco noong May 15, sa edad na 84.

Isa raw sa talagang tumatak sa kanya kahit noong bata pa siya ay ang pagiging parapsychologist ng pinakamamahal na lolo, partikular na ang ginawa nitong pagbaluktot sa isang tinidor sa pamamagitan lamangng isip.

Inalala ni David ang mga bonding moments nila ng namayapang author, kabilang na ang palagi niyang pagbisita sa bahay nito noong mga huling sandali ng pananatili nito sa mundo.

“Nag-uusap kami, he’s very smart, he knows a lot about life kaya the past couple of months talagang I would make sure to really spend time with him,” pahayag ni David sa panayam ng “24 Oras” sa burol ng kanyang lolo.

Isa nga sa mga hindi niya malilimutan noong buhay pa si Jaime Licauco ay ang kung paano nito binaluktot ang tinidor gamit lang umano ang isip.

“Hawak niya ‘yung fork tapos nakatingin lang siya dun and super nag-i-internalize siya, basically parang gusto niya sa ‘kin ipakita ‘yung power of the mind.

“And then ‘yun, nag-bend ‘yung fork, ‘di ba, as a kid, sobrang wow, amazing ‘yun. Kahit until now sinasabi ko sa kaniya minsan, lolo pakita mo naman sa ‘kin,” saad ni David.

Isa pa sa mga natutunan ng Kapuso heartthrob sa kanyang lolo ay ang pag-manifest sa mga pangarap sa buhay para matupad ang mga ito.

“And kapag passionate ka du’n sa ginagawa mo na ‘yun, talagang ma-a-achieve mo ‘yun. Malayo ‘yung mararating mo so ‘yun, he’s just an inspiration to me,” aniya.

Sa pagpanaw daw ni Jaime Licauco ang isa sa mga realization niya ay, “Itong life na binigay sa ‘tin, hindi siya forever, alam naman natin ‘yun.

“I think it’s better to be nice to everybody, stop the hate, and really just choose peace over chasing validation and instant gratification, ‘di ba? Live happily and tell your loved ones you love them,” saad ni David.

Bilang author, nakapagsulat si Jaime Licauco ng 17 libro at mga artikulo na tumatalakay sa paranormal, mysticism, inner mind development, creative and intuitive management.

Nora Aunor

NGAYONG araw sana, May 21, magdiriwang ang Superstar at National Artist na si Nora Aunor ng kanyang ika-72 kaarawan.

Pumanaw ang award-winning at iconic actress (Nora Cabaltera Villamayor sa tunay na buhay) noong April 16 sa edad na 71 “due to acute respiratory failure”. Inihatid ang kanyang labi sa Libingan ng mga Bayani sa Taguig City noong April 22.

Inaasahan ang pagbuhos ng mga mensahe sa paggunita sa birthday ni Ate Guy mula sa kanyang mga kapamilya at mga kaibigan sa loob at labas ng entertainment industry.

Habang isinusulat ang artikulong ito ay wala pang pahayag ang mga anak ng National Artist for Film and Broadcast na sina Lotlot, Ian, Matet, Kiko at Kenneth de Leon kung dadalawin nila ang puntod ng kanilang ina ngayong araw.

Pero may mga balita na ilang grupo ng Noranians ang planong magsagawa ng padasal para sa kaarawan ni Ate Guy.

Samantala, bilang paggunita rin sa 72nd birthday ng namayapang Superstar, nakatakdang ipatikim sa publiko ng historic Kamuning Bakery sa Quezon City ang “Pan de Nora” ngayong araw.

Ito’y bilang pagbibigay-pugay sa naiwang legacy ni Ate Guy sa entertainment industry na nagbigay nga ng maraming karangalan sa Pilipinas bilang isang alagad ng sining.

 

View this post on Instagram

 

A post shared by Lotlot de Leon (@ms.lotlotdeleon)

Sa social media post ng may-ari ng Kamuning Bakery (matatagpuannsa Judge Jimenez Street corner K-1st Street, Brgy. Kamuning, Quezon City) at historian na si Wilson Lee Flores, ibinandera nga niya ang naisip na pa-tribute para kay Nora.

“86-year-old @kamuningbakery Cafe Celebrating National Artist #NoraAunor: A Legend’s Birthday with ‘Pan de Nora.’ This May 21, honor the late Nora Aunor with a slice of history!

“#KamuningBakery Cafe —Quezon City’s pioneer bakery—presents ‘Pan de Nora,’ a special #bread tribute to the *Superstar* whose films & life inspired millions,” sabi sa post.

Last year ay simple lamang ang naging selebrasyon ng 71st birthday ni Ate Guy sa kanyang bahay pero dumating din doon ang kanyang mga anak at ilang malalapit na kapamilya, kaibigan at mga fans.

Noong May 20, 2023, naging engrande ang pagse-celebrate ng kanyang 71st birthday na ginanap sa Vertis North Seda Hotel sa Quezon City na talagang pinaghandaan ng kanyang mga anak.

Kahit medyo hirap siyang magsalita noon na parang hinihingal ay paulit-ulit ang pasasalamat sa lahat na dumalo at naglaan ng oras para sa kanyang birthday.

Mensahe ni Ate Guy, “Kahit ako’y hinihingal, ako’y masayang-masayang sa mga nangyayari. Sapagkat, sa tagal na panahon na hindi ako nakapag-celebrate ng birthday, ngayon lang uli naulit at nanditong lahat.

“Wala na akong masasabi, kasi ang inaasahan kong dapat um-atend ay nandito. Nandirito kayo at lahat na mga kaibigan.

“Maraming salamat sa mga sinabi nila sa akin, sa mga sinabi ninyo sa akin na talagang tumama sa puso ko,” aniya pa.

Nagsimula ang entertainment career ni Ate Guy noong 1960 bilang singer at nakilala sa buong bansa sa kanyang “golden voice.”

Bukod sa pagkanta, pinasok din niya ang pag-aartista at umani ng karangalan at papuri sa kanyang pagiging aktres sa Pilipinas at maging sa iba’t ibang bahagi ng mundo.

Ilan sa kanyang hindi malilimutang pelikula na nagbigay sa kanya ng best actress award ay ang “Tatlong Taong Walang Diyos” (1976), “Minsa’y Isang Gamu-Gamo” (1976), “Himala” (1982), “Bulaklak sa City Jail” (1984), at “The Flor Contemplacion Story” (1995).

Ruffa Gutierrez, Venice Bektas, Lorin Bektas at Harry Lopez Chua

KITANG-KITA sa awrahan ni Ruffa Gutierrez ang kanyang freshness at obvious na super happy siya ngayon sa kanyang career at personal life.

Iwas na iwas pa rin ang TV host-actress na pag-usapan ang relasyon nila ng actor at dating public servant na si Herbert Bautista dahil aniya, gusto niya lang maging tahimik at pribado ang kanyang lovelife.

Ito’y matapos nga siyang mag-post ng video sa TikTok na naglalaman ng mga sweet pictures at bonding moments nila ni Bistek kalakip ang birthday greeting niya para sa kanyang partner.

Nakachikahan ng BANDERA si Ruffa at ng ilang piling miyembro ng entertainment media kahapon, May 20, sa launching ng kanyang latest endorsement, ang jewelry brand na Magical Gems by Isabel and Alexandria.

Bahagyang napag-usapan ang tungkol sa relationship nila ni Herbert kaya naman sa isang bahagi ng question and answer ay natanong si Ruffa kung pinapangarap pa rin niyang maikasal someday.

“I’m not closing my doors. I remember after the breakdown of my marriage with Yilmaz (Bektas, ex-husband), ayoko na magpakasal. I was traumatized.

“I go to Bible studies as well, sabi nila never say never. Kasi nga hindi natin masabi ang future.

So I’m not closing my doors, but I’m happy with the way things are right now. So kung dumating man ang pagkakataon na magpapakasal uli ako in the future, sana yun na yung huli hanggang sa last breath of my living life.

“Siya na yung kasama ko. If not, dyowa-dyowa na lang,” ang tugon ng aktres.

 

View this post on Instagram

 

A post shared by RUFFA GUTIERREZ (@iloveruffag)

Ikinasal si Ruffa sa Turkish businessman na si Yilmaz Bektas noong 2003 at biniyayaan ng dalawang anak, sina Lorin at Venice. Taong 2012 naman nang mapawalang-bisa ang kanilang kasal.

Samantala, excited na rin si Ruffa sa pag-uwi nina Lorin at Venice sa Pilipinas habang school break nila sa Amerika. Dalagang-dalaga na ang kanyang mga anak kaya napag-usapan din ang mga advice niya sa mga ito pagdating sa pakikipagrelasyon.

“I tell Lorin and Venice, huwag kayong makipagkita sa kalye. Or mag-uusap lang kayo sa Instagram at nagpapakilala. Hindi ako naniniwala sa ganu’n. Kailangan pumunta sila sa sa bahay, humarap sila, magpakilala sila, at magbigay sila ng fruits,” sey ni Ruffa.

“But sabi nila, ‘Why fruits? Puwede bang macaroons naman?’ Sabi ko pwede basta magpakilala sila sa bahay. I still stand for those values. The values that our parents taught us. So ayoko yung nagkikita sila sa labas unless barkada lang nila talaga,” pahayag pa ng aktres.

Tinanong din ng BANDERA si Ruffa kung anu-ano ang mga tips niya sa mga anak pagdating sa mga boys, “Kanina si Venice sabi niya meron daw siyang cute na crush. But I tell them straight na para lang kaming magkakabarkada.

“I told her tapusin mo muna pag-aaral mo. The boys will come. Pero pareho kami ng sinabi. ‘We don’t have to look for a crush. They have to look for me.’ Tama!

“Sabi ko then have to look for you so bakit ikaw ang naghahanap ng crush mo? Lagi ko silang bine-brainwash, and I have succeeded. With the kids, I always tell them that one day, if they get married, they have to be with someone who is God-fearing, masipag, and someone who loves them.

“Set them free and make them fly using their wings so that they will become independent and not just rely on me. I also want them to be financially independent. Most especially, they should never rely on a man,” saad pa ni Ruffa,

Samantala, masaya ring ibinalita ni Ruffa na malapit nang mapanood ang upcoming series niyang “Beauty Empire,” na bonggang collaboration ng GMA Network, Viu Philippines at CreaZion Studios.

Chika ng aktres, karamihan sa mga product line ng bago niyang endorsement na Magical Gems, ay  makikita at irarampa niya sa “Beauty Empire”.

Nagpasalamat nga si Ruffa sa may-ari ng naturang jewelry brand na si Harry Lopez Chua, dahil pinayagan siyang gamitin ang mga ineedorso niyang alahas sa bago niyang serye na mapapanood na sa June, 2025.

Makakasama ni Mr. Harry si Ruffa bilang special guest sa grand opening ng Magical Gems by Isabel and Alexandria boutique sa Abreeza Mall, Davao City, sa darating na June 3.

Ayon kay Harry Lopez Chua sa pagpayag ni Ruffa na maging celebrity ambassador ng kanilang brand, “This is such a blessing. Ruffa, you are a gift from heaven. I never expected this to happen.

“We are homegrown Davao company. We’re small, modesty aside, this is our first outing,” aniya pa.

Gelli de Belen, Candy Pangilinan at Quentin

PAREHONG proud nanay ang magkaibigang Gelli de Belen at Candy Pangilinan dahil sa kanilang pagmamahal at pagsasakripisyo para sa kanilang mga anak.

Ayon kay Candy, totoong napakalaki ng naging epekto sa kanyang personal life ang pagiging nanay sa nag-iisa niyang anak na neurodivergent o may kapansanan.

Ginagawa raw ng aktres ang lahat-lahat kahit napakahirap para maibigay ang mga pangangailangan ni Quentin na isang batang may special needs.

“Hindi ako perfect na mom kaya I’m trying my best. My most and least favorite part of being a mother is taking care of Quentin.

“Mahirap siya pero ito yung dahilan bakit ako umayos bilang tao,” pahayag ni Candy sa programang “Stars on Stars” na napapanood sa JeepneyTV Facebook page.

Para naman kay Gelli, napakasarap pero napakahirap ding maging isang nanay. Isa ito sa pinakamalaking hamon at biyaya sa buhay ang pagiging ina sa dalawa nilang anak ni Ariel Rivera.

 

View this post on Instagram

 

A post shared by Wala Pa Kaming Title (@walapakamingtitle)

Sey ng TV host at aktres, “Ang pagiging ina, walang manual. Pero kahit mahirap, ‘yun ang role na hindi ko ipagpapalit kahit kailan.”

Samantala, nagpasalamat din sa isa’t isa ang dalawang aktres dahil mula noon hanggang ngayon ay nananatili pa rin ang kanilang friendship sa kabila ng mga challenges sa mundo ng showbiz.

Ilang taon na rin ang itinatagal ng kanilang pagkakaibigan kasama sina Janice de Belen at Carmina Villarroel.

“Nakakatuwa kasi kahit ilang taon na ang lumipas, nandito pa rin kami para sa isa’t isa,” sabi ni Gelli.

Sey naman ni Candy, “Masarap yung may kaibigan kang kilala ka—lahat ng kalokohan at kahinaan mo—pero nandiyan pa rin.”

Christophe Sommereux, Gladys Reyes at Christopher Roxas

SURE ma sure kami na super proud ngayon ang award-winning actress na si Gladys Reyes sa kanyang anak na si Christophe Sommereux.

Ibinandera at ipinakilala na kasi ng ABS-CBN record label na StarPop ang binata bilang pinakabago nitong artist kasabay ng pagri-release ng kanyang self-titled debut album.

Ibinahagi ng anak nina Gladys at Christopher Roxas ang kanyang excitement para sa paglabas ng una niyang album at pagsisimula ng journey niya bilang recording artist.

“I’m incredibly grateful and excited to be a part of this family and I’m really excited to share my music to the world.

“I know this won’t be easy but I’m ready to traverse this diverse, challenging, and unpredictable landscape of the OPM industry,” sabi ni Christophe sa kanyang Instagram post.

Hatid ng alternative rock album ang iba’t ibang emosyon tulad ng saya, lungkot, at pananabik na dala ng pag-ibig.

Tampok dito ang ilan sa orihinal na komposisyon ni Christophe na “Take Care,” “Sira,” “Abot Bituin,” at tatlong bagong awitin tulad ng “Sine,” “Basta Ika’y Nariyan,” at “Aren’t You Ready.”

Nagsilbing executive producers nito sina StarPop label head Roque “Rox” Santos at ABS-CBN Music creatives, content, and operations head Jonathan Manalo.

 

View this post on Instagram

 

A post shared by Gladys Reyes-Sommereux (@iamgladysreyes)

Sa key track na “Sine,” na iprinodyus at inareglo ni Gabriel Tagadtad, ikinuwento ni Christophe ang perfect movie date na swak para sa taong iniibig.

Nagsimula si Christophe na sumulat ng kanyang sariling mga awitin sa edad na 15.

Hilig niya ang genres na pop, rock, at alternative at musical influences niya ang iconic bands tulad ng The Beatles, Queen, at Guns N’ Roses.

Noong 2022, naging bahagi siya ng Summer Blast concert kung saan nag-perform siya sa harap ng mahigit 50,000 katao kung saan nakasama niya ang iba’t ibang sikat na artists tulad ng BINI, Gloc-9, at December Avenue.

Available na ang debut album ni Christophe  sa iba’t ibang streaming platforms.

Matatandaang sa isang panayam ay natanong si Gladys kung “stage mother” ba siya sa kanyang anak dahil nga tutok din siya sa career nito bilang artist.

“Oo, stage mother, bakit ba? Ha-Hahaha!  Kung ang definition ng stage mother ay nandu’n para sumuporta at nandun ka lagi sa likod ng anak, e, di sige.

“Nandu’n ako, pero backstage mother ako. Pero nakakatuwa, innate kasi sa kanya. Daig niya kami actually, ang music niya, naggigitara. Kusang lumabas sa kanya, e.

“Even yung banter niya with the crowd (kapag nagpe-perform), parang ang hirap kung aaralin pa lang, e. Ewan ko, siguro nagmana siya sa akin ng kapal ng mukha. Kasi, mahiyain si Christopher.

“Nakuha niya kay Christopher ang music, ang type of music, old soul si Christophe, e. Pero he knows mga kanta ngayon,” sey pa ni Gladys.

Sofia Andres

NALOKA ang mga netizens sa mga requirement na hinahanap ng aktres na si Sofia Andres sa nais niyang kuning personal assistant.

In-announce ni Sofia sa social media ang mga qualification ng personal assistant o PA na magiging katuwang niya sa kanyang pagtatrabaho.

Sa kanyang Instagram story mababasa ang post niyang, “Now hiring a Personal Assistant who can read my mind, organize my chaos, and remind me where I left my coffee (and my schedule).”

Dinagdagan pa niya ito ng, “Must be 10 steps ahead, stylishly sharp, and allergic to ‘I forgot.’ Think that’s you? Slide into the inbox-applications open, excuses closed.”

Kasunod nito, ibinigay ng aktres at celebrity mom ang kanyang e-mail address kung saan pwedeng ipadala ng mga aplikante ang kanilang resume.

At dahil nga rito, sunud-sunod ang mga reaksyon ng netizens kung saan karamihan nga ay nawindang sa paandar na requirements ni Sofia para sa iha-hire na PA.

“The job description is soo vague. Grabe ha,” segunda naman ng isa.

“Ang OA. Nakapag pangasawa lang ng mayaman kala mo na sinong importante eh.”

“Lol. AI (artificial intelligence) ata gusto ni Sofia?”

“Isn’t she being sarcastic though?”

 

View this post on Instagram

 

A post shared by SOFIA (@iamsofiaandres)

“1st qualification niya for a PA, who can read my mind parang papunta na Rudy Baldwin ang kailangan niya.”

“Masyado n’yo naman niliteral hehe, baka figures of speech lang.”

“That’s how I read it din naman. Tipong need ng PA na ka-vibe nya. Sa sweldo nalang magkakatalo.”

“Ano nangyayare kay ate sofiaaaa hahahaha feel ko nagjjoke lang sya kase if legit yan… NAKAKALOKA.”

“I think she was just playing with words. Do not take it too literally naman! Hahaha.”

“No hate here but I think Sofia is just lowkey making the hiring description as a sarcastic joke… I mean it’s kinda funny when u read it. As someone who is lutang and has a chaotic mind, it’s relatable (if it’s meant to be funny) hahahaha.”

Mukhang tama naman ang komento ng ilang netizens na nagpapatawa lang si Sofia dahil muli siyang nag-post sa IG tungkol dito.

“Makalagot uy! Walay sense of humor… chill ra!” aniya na ang translation sa Tagalog ay, “Nakakainis naman! Walang sense of humor… chill lang!”

Hirit pa niya, “I’m a mom and keeps forgetting things.. ayaw samok!”

Nora Aunor, Lotlot de Leon at Janine Gutierrez

ISANG araw bago ang ika-72 kaarawan ng kanyang inang si Nora Aunor, inalala ni Lotlot de Leon ang isang pangyayari noong nagsisimula pa lamang siya sa showbiz.

May kaugnayan ito sa sikat na sikat na programa niya sa TV na “Lotlot & Friends” na umere sa Channel 9 halos apat na dekada na ngayon ang nakararaan.

Mababasa sa Instagram account ni Lotlot ang pagbabalik-tanaw niya hinggil sa bahaging ito ng kanyang showbiz career kalakip ang isang throwback video ng isa sa mga episode ng naturang programa.

“I remember this so well.

“Mom called for a meeting at our then house at Jacksonville, Greenhills kase gusto nya mag produce ng teen variety show for RPN 9,” ang simulang pagbabahagi ng panganay na anak ni Ate Guy.

Pagpapatuloy pa niya, ang Superstar at National Artist for Film and Broadcast ang nakaisip ng titulo at konsepto ng kanyang variety show.

“Everyone that worked behind the scenes were her most trusted, that also worked with her in The Superstar show.

“Mom was the one who conceptualized all of this, including the name Lotlot & Friends.

 

View this post on Instagram

 

A post shared by Lotlot de Leon (@ms.lotlotdeleon)

“She was excited and she wanted me, Ian and Matet to be the front liners including my cousin, Ate Marilyn Villamayor.

“The show went on for a couple of years, till I had my baby Janine (Gutierrez),” saad pa ni Lotlot.

Sabi pa ng award-winning actress, napakarami niyang natutunan at magagandang alaala sa “Lotlot & Friends” kaya hinding-hindi niya ito makakalimutan habangbuhay.

“This show brings back so many good memories.

“A lot of training and experience which I carry to this day. Thank you mommy, for always believing in me!” mensahe pa ng aktres.

Narito naman ang mga comments ng IG followers ni Lotlot na napa-throwback din sa kanyang post.

“Sunday afternoon 4 pm staple viewing – sa kapitbahay hahaha! Dapat tapos ang house chores before 2 pm, para makaligo bago mangapit-bahay para manood ng Lotlot and Friends! Most memorable production number was Lotlot dancing and singing I Wanna Dance with Somebody by Whitney Houston. I think it was your bday celebration. The days of my youth! Thank you for sharing beautiful memories!”

“Your voice is so sweet and comforting. I used to watch your show when I was in the Philippines. I remember Marilyn. I love her singing voice too. Hope she’s doing well.”

“Ang ganda po talaga niyong tingnan magkapatid Maam parati ko po kayong tinitignan ang videos niyo po nung maliit kayo.”

“Grabe! Hinubog talaga Sila ni mama guy sa mga talento na kaaya-aya at kahanga hanga.”

“Such a beautiful memory of that show Lotlot & friends. How time flies so fast. Mga parents na sila Lotlot, Ian ,Matet & Marilyn. Though wala na akong balita kay Marilyn. We miss ate Guy so much.”

“Ian is very shy boy, I always watched Lotlot and friends that time and I love you and Ramoncito. You have a nice voice also and now your becoming a very versatile actress. I miss Ate Guy.”

Jojo Mendrez

PAK na pak ngayon ang bagong paandar at pasabog ni Jojo Mendrez para sa mga kababayan natin sa iba’t ibang panig ng Pilipinas.

Ang tinutukoy namin ay ang viral na ngayong “Libre Na To” ng kontrobersyal na Revival King na inaabangan na ngayon ng kanyang mga supporters.

Batay sa napanood naming mga video sa social media, namimigay ang Team Jojo ng cash sa masusuwerteng kababayan natin sa mga dinadalaw nilang mga lugar.

Bukod dito, kapag nasaktuhan niya ang mga lucky winner na mapipili nila sa paglilibot sa iba’t ibang lugar habang lumalafang o nagsa-shopping ay siya na ang magbabayad, kasabay ng pagsigaw ng “Libre Na ‘To!”

Ito’y maaaring mangyari sa mga restaurant, grocery, department store, fast food, palengke, sinehan at iba pang mga pampublikong lugar.

Sa paraang ito, mas bukal daw sa loob niya ang pagtulong kumpara sa ibang personalidad na palaging nagagalit ay nanunumbat sa ibinibigay na tulong sa kanilang kapwa.

Ilang netizens pa nga ang nagbanggit kay Willie Revillame na may mga pagkakataon daw na nagagalit sa kanyang programa at tila ipinangangalandakan ang kanyang pagtulong.

May mga nagkokomento pa na puwedeng-pwede raw gawing TV show ni Jojo ang kanyang latest paandar na public service dahil patok na patok na nga ito sa mga Pinoy ngayon.

Sabi naman ng Star Music recording artist, pinag-iisipan na nila ng kanyang team ang posibleng pagsabak niya sa telebisyon with “Libre Na ‘To!”

Samantala, kahit abala sa kanyang pagkakawanggawa ay abala pa rin si Jojo sa pagpo-promote ng kanta niyang “Nandito Lang Ako” na halos nasa 20 million na ang views sa kanyang mga social media accounts.

Malapit na ring mapakinggan ang version niya ng “I Love You Boy” na unang pinasikat ng OPM artist na si Timmy Cruz.

Bukod dito, ilan pa sa mga nakatakdang i-revive ni Jojo ay ang “Pare, Mahal Mo Raw Ako” ni Michael Pangilinan, at “Tamis Ng Unang Halik” ni Tina Paner.

Harry Roque

INIHAHANDA na ng Department of Justice (DOJ) ang mga kakailanganing dokumento para ipaaresto sa International Crime Police Organization (Interpol) si dating Presidential spokesperson Harry Roque.

Nasa Netherlands ngayon si Roque at kasalukuyang hinihintay ang magiging resulta ng kanyang asylum application doon.

Ayon sa pahayag ng DOJ, nasa plano nito ang pagpapa-red notice kay Roque sa Interpol sakaling magmatigas ang abogado sa desisyon niyang huwag nang bumalik sa Pilipinas.

“We are still preparing the documents needed for an Interpol request for a red notice,” sabi ni DOJ spokesperson Mico Clavano sa isang panayam.

Aniya pa, “In the end, what we want is to give justice to the victims of the qualified trafficking case. Kasama sa trabaho ng gobyerno ang paghanap sa mga sangkot sa krimen at iharap sa husgado.”

Kamakailan ay naglabas na nga ng warrant of arrest ang Angeles City Regional Trial Court (RTC) Branch 118 laban kay Roque at Cassandra Ong dahil sa kasong human trafficking kaugnay ng umano’y mga operasyon ng isang Philippine Offshore Gaming Operator (POGO) hub sa Pampanga.

Kahapon, sa kanyang Facebook live ay nagmatigas pa rin si Roque na hindi siya pwedeng arestuhin dahil sa kanyang asylum application.

“Kahit ano pang kunin n’yong red notice alert diyan, eh manigas kayo! Hindi n’yo ako makukuha habang nakabinbin itong asylum na ‘to dito sa Netherlands,” pahayag ni Roque.