Angelica Panganiban at Amila Sabine

EMOSYONAL ang Kapamilya actress at celebrity mom na si Angelica Panganiban sa pagdiriwang ngayong Mother’s Day.

Todo ang pasasalamat niya sa anak nila ni Gregg Homan na si Amila Sabine dahil tinupad nito ang isa sa mga ultimate dream niya sa life – ang maging isang nanay.

Sa kanyang Instagram page, nagbahagi ang aktres ng mga litrato nila ng anak kalakip ang madamdaming caption tungkol sa motherhood.

“I only get to discipline you, guide you and shower you with my unconditional love. Dahil ang totoo, ikaw ang best teacher ng buhay ko,” ang bahagi ng caption ni Angelica.

 

View this post on Instagram

 

A post shared by Angelica P Homan (@iamangelicap)

Sey pa ng aktres, napakaraming naituro sa kanya ni Amila hinggil sa pagiging ina, kabilang na riyan ang pagkakaroon ng mahabang pasensya, ang pagngiti at pagtawa sa kabila ng mga pagsubok.

“Dahil sa ‘yo, I get to celebrate mother’s day. Dahil sa ‘yo, narinig ko ang pinakamasarap na pangalan na pinangarap ko, dahil sa ‘yo, ako na si mommy, mama, at mom.

“Thank you for making me one. I love you bubs. Happy Mother’s day sa lahat ng Ina,” ang pahayag pa ni Angelika.

Sa comments section ng kanyang IG post ay bumuhos ang pagbati sa kanya sa Araw ng Mga Ina, kabilang na ang isa sa mga BFF niyang si Bela Padilla, sina Alex Gonzaga, Agot Isidro at marami pang iba.

Stock photo

PROBLEMADO ngayon ang isang female netizen sa kanyang lovelife dahil naiipit siya sa dalawang lalaking pareho nang napamahal sa kanya.

Nag-share ng kanyang sitwasyon si Ate Gurl sa pamamagitan ng Facebook page na Peso Sense kung saan ibinahagi nga niya ang “pakikipagrelasyon” sa dalawang lalaking nakilala niya online.

“Hello! Please hide my identity. Wag niyo sana ako husgahan.Gusto ko kasi manghingi ng advice sa inyo. Sana mapost ni admin thank you.

“Ganito kasi yun may kachat ako taga US magatal na kami nag uusap 4yrs na. Lagi naming pinag uusapan na pag visit niya dito sa pinas papakasal kami tapos dalhin niya ako sa bansa nila. Hindi nawawala sa conversation namin yun mapachat man or video call.

“Sa tagal namin mag usap hindi ko kilala parents niya hindi rin ako pinakilala sa parents niya pero nagsend lang ng picture silang magkakapatid,” simulang pagbabahagi ng netizen.

Patuloy niya, “Minsan on and off yung pag-uusap namin. Sa 4yrs namin walang  money involved kasi may work naman ako at never din ako nanghihingi sa kanya ng pera!

“Bigla ko lang talaga naisip na 4yrs ko na siyang inantay baka sayang lang yung oras ko sa kanya kasi di rin naman ako nakikipag date sa iba tapos paano pala pag hindi talaga siya pupunta ng pinas sayang yung years nilaan ko sa kanya.

“At ilang beses ko na din sinabihan na stop nalang kami kasi ilang taon na din kami nag usap pero nauumay ako sa puro plano at di nawawala yung kasal sa usapan,” chika pa niya.

Sinubukan daw niya uling mag-try sa dating site at in fairness, marami naman siyang  naka-match at maraming nakausap pero tinatamad siyang mag-reply dahil uulit na naman daw siya sa umpisa.

“Hanggang sa binura ko yung apps kasi mag focus nga ako doon sa 4yrs ko nakakausap pero minsan di rin kasi nag memessage hangang sa nag DL ulit ako at may nakausap ako (AKA YELLOW) after namin mag usap ng isang buwan kasi araw-araw talaga nagmessage.

“Hanggang pumayag na ako makipagkita at kumain kami sa labas hanggang sa nasunod -sunod na tapos naging kami  nainlove na ako sa kanya kasi sobrang bait niya talaga at napaka gentleman niya pa .

“Pinakilala niya ako sa parents niya ok lang sa mama niya sa dad lang may probs ayaw nang-ibang lahi gusto yung girl kalahi at taga sa kanila. Mag anniversary na kami next month napamahal na ako sa kanya siya rin naman laging pinaparamdan sakin na mahal niya ako at walang ibang babae.

“Pero hindi niya ako pwdi pakasalan kasi uuwi din daw siya sa bansa nila. Napag-uusapan kasi namin yung ganyan bagay..kahit baliktarin ko man mga tanong ko sa kanya wala talaga sa plano na isama ako.

“Sayang lang kasi gusto ko siya maging asawa na nakikita ko kasi siya kanya na ok siya maging tatay. Pero siya susundin niya daddy niya at nag iisang anak lang din kasi siya.

“Ito na biglang nag chat yung tag US pupunta na daw dito para makilala family ko may stay daw siya mga 1 month  at papakasal na daw kami  at asikasuhin daw mga papers ko maybe next month pero di pa sure yun kasi lagi naman plano punta ng pinas tapos di natutuloy yun lagi kong pinang hahawakan na uuwi daw siya ng pinas.

“Pero this time nagdalawang isip na ako na mag Go ba sa nakakausap ko ng apat na taon or sa taong napamahal ako pero walang plano mag settle down.

“Same naman silang dalawa no money involved. Seryoso relasyon lang talaga gusto ko. Sana mabigyan niyo po ako ng advice!” ang buong kuwento ni Ate Girl.

Oh, ayan mga ka-BANDERA, chance n’yo nang payuhan nang bonggang-bongga ang problemadong netizen about her lovelife. Go, go, go!

Bernard Palanca

KUNG makakabalik lamang sa nakaraan ang aktor na si Bernard Palanca, nais niyang baguhin ang bahagi ng kanyang buhay nang malulong sa ilegal na droga.

Pinagsisisihan ng aktor ang paggamit noon ng ipinagbabawal na gamot at nagpapasalamat siya sa lahat ng taong naging bahagi ng kanyang pagbabago hanggang sa tuluyang malagpasan ang naturang pagsubok.

Sa panayam ng “Fast Talk with Boy Abunda”, nabanggit ni Bernard na kung makakabalik nga siya sa past, hinding-hindi niya titikman ang droga.

“If it is possible to go back Tito Boy, if that possibility was there, and if I could, I would definitely go back to the very first day that I tried, you know, doing something,” ang pahayag ni Bernard.

Dagdag pa niya, “I will tell myself I wouldn’t do it at all, because that was the start, eh. When that happened, that caused already the rest of the way.

“So, if I didn’t take the first puff as they say back then, I don’t think my life would have went in that direction at all,” sey pa ng aktor.

 

View this post on Instagram

 

A post shared by Palanca Beej (@iambjp.76)

Matagal-tagal ding nawala sa mundo ng showbiz si Bernard noon dahil nagdesisyon siyang sumailalim sa rehabilitation upang muling ayusin ang kanyang buhay at career.

Matatandaang sumikat si Bernard  dekada 90 at nakilala bilang isa sa mga heartthrob ng ABS-CBN at naging miyembro ng grupong The Hunks, na kinabilangan din nina Piolo Pascual, Jericho Rosales, Diether Ocampo, at Carlos Agassi.

May dalawang siyang anak na lalaki mula sa mga dating nakarelasyon – sina Meryll Soriano at Jerika Ejercito.

Ka-join si Bernard sa seryeng “Slay”, ang first Viu Original series ng GMA 7, na pinagbibidahan nina Gabbi Garcia, Julie Anne San Jose, Ysabel Ortega, Mikee Quintos at Derrick Monasterio.

Rodrigo Duterte at Sara Duterte

IPINAGDIINAN ni Vice President Sara Duterte na “kinidnap” daw ang kanyang amang si dating Pangulong Rodrigo Duterte na tinawag niyang “tatay ng lahat”.

Naglabas ng video ang bise presidente sa kanyang official Facebook page nitong Sabado, May 10, kung saan nagpasalamat siya sa lahat ng supporters ng kanilang pamilya.

“Ang puwesto na kinatatayuan ko ay hindi para sa akin. Ito ay para sa Pangulong Rodrigo Duterte. Pero tinawag ako ng tadhana dahil kinidnap ang tatay nating lahat,” ang pahayag ni VP Sara.

Patuloy pa niya, “Ako si Inday Sara, isang botanteng nagmamahal sa ating bayan at natatakot para sa ating kinabukasan.”

Nasa kustodiya pa rin ng International Criminal Court (ICC) sa The Hague, Netherlands si dating Pangulong Duterte matapos arestuhin noong March 11 dahil sa umano’y mga nagawa niyang “crimes against humanity.”

Samantala, nanawagan din si VP Sara sa sambayanang Filipino na iboto ang mga nararapat na kandidato ngayong araw ng eleksyon dahil sa mga mahahalal na politiko nakasalalay  ang kinabukasan ng bansa.

Pahayag ng bise presidente, “Iniibig ko ang Pilipinas. Iniibig ko kayong mga Pilipino. This election will decide the future of our country.

“Ang boto ninyo ang magbibigay katiyakan kung maituloy ang pagbabago o tuloy-tuloy na lang tayo sa kapahamakan,” aniya.

Chuckie Dreyfus

KALAT na kalat noon sa mundo ng showbiz ang chika na bading daw ang aktor at dating child star na si Chuckie Dreyfus.

Isa si Chuckie sa mga kabataang artista na pinaniniwalaang beki nu’ng kapanahunan niya, sa katunayan, kahit daw ang kanyang asawa ngayon ay inakalang bading talaga siya.

Kuwento ng aktor sa isang episode ng “Fast Talk with Boy Abunda”, kahit paano’y nakaapekto rin sa kanyang personal life at showbiz career ang mga tsismis na bading siya.

“Yes. Especially back in the day, 80s, 90s. Because now, it’s so accepted now. I mean, it doesn’t really matter,” pahayag ni Chuckie.

“Noong una nagtataka ako, bakit ba? First, issue ba if you’re gay or not?” dagdag ng aktor.

Sabi pa ni Chuckie, marami ang nagsasabing beki siya dahil lamang sa malamya niyang pagkilos at pananalita.   Pero naniniwal siya na walang konek ang kilos sa sexuality ng isang tao.

 

View this post on Instagram

 

A post shared by Chuckie Dreyfus (@chuckiedreyfus)

“Of course not. Eh, ganu’n ako kumilos eh,” depensa ni Chuckie.

Pagbabahagi ng aktor, dahil sa mga tsismis na ito, pati raw ang misis niyang si Eileen ay inakalang bading siya.

“I don’t know if people know this, blind date kasi kami nu’n (ni Eileen). We were hooked up to date,” saad niya. “And naalala ko pa ang sabi daw is, ‘Oh, i-hook up kita kay Chuckie Dreyfus.’

“Ang unang sinabi pa ng wife ko ngayon, ‘Ayoko du’n kasi ‘di ba bading ‘yun?’ ‘Iba na lang,’ gumaganu’n siya. Eh wala nang choice nu’ng time na ‘yun,” sey ni Chuckie sabay tawa.

Kasunod nito, pinatunayan daw ni Chuckie kay Eileen na lalaking-lalaki siya at walang bahid ng kabadingan.

“So, pinakita ko sa kanya na, ‘hmmm,’ ayon nagkaanak kami agad,” sey pa ng aktor.

Kasali si Chuckie sa seryent “Slay”, ang unang Viu Original series ng GMA. Bida rito sina Gabbi Garcia, Julie Anne San Jose, Ysabel Ortega, Mikee Quintos, at Derrick Monasterio.

Ahtisa Manalo

NAGPAKATOTOO ang Miss Universe Philippines 2025 na si Ahtisa Manalo tungkol sa estado ng relasyon niya sa kanyang ama.

Rebelasyon ng magiging bet ng Pilipinas sa gaganaping Miss Universe 2025, hindi raw sila naging close ng kanyang biological dad na isang Finnish-Swedish.

Kuwento ni Ahtisa sa panayam ng “Fast Talk with Boy Abunda”, isinunod daw ng kanyang nanay ang pangalan niya sa amang foreigner pero hindi sila nabigyan ng chance na maging malapit sa isa’t isa.

“My father’s name, my biological father who’s Finnish, his name is Ahti. And my mom added an ‘sa’ for it to be more feminine,” saad ni Ahtisa

Ayon sa dalaga, ang single mother niyang nanay ang nagpalaki sa kanya katuwang ang kanyang lola.

“I think there was no anger on my end. But it was more of an indifference. Because we don’t have a relationship.

 

View this post on Instagram

 

A post shared by Ma Ahtisa Manalo (@ahtisa)

“It’s hard to be angry at someone when you don’t know them,” ang pahayag ni Ahtisa nang tanungin tungkol sa feelings niya kanyang ama.

Pero pag-amin ni Ahtisa, sinubukan naman daw ng kanyang tatay na makipag-communicate sa kanya.

“He reached out to me online for a few times. But even then, it feels like a distant person.

“You don’t even know what you guys are up to, hindi niyo alam kung ano nangyayari sa buhay. So, it’s not really a relationship as I would call it. It is what it is,” aniya.

Ang cast members ng ‘Ligaw’ at ‘Rapsa’

TULUY-TULOY ang siklab ngayong summer sa VMX! Abangan ang “Rapsa” at “Ligaw” — dalawang mapangahas na pelikulang magpapainit ng inyong mga damdamin.

Sa isang munting kapihan, magtatagpo at maaakit sa isa’t isa ang apat na tao at magsisimula ang mapusok na pag-iibigan at pagnanasa sa isa’t isa. Simula na ng tikiman sa “Rapsa”, available na sa VMX.

Kuwento ito nila Ariel (Vern Kaye), manager sa isang coffee shop. Kasama niya sa trabaho sina Dino (JD Aguas), isang master baker, at si Ella (Micaella Raz), isang server na mula sa probinsya.

Madalas bumisit at naging suki na nila ang customer na si Rita (Shiena Yu), palagi itong nagpupunta sa coffee shop dahil may gusto ito kay Ella.

Ang hindi alam ng iba, dating nobya pala ni Ariel si Rita, at nang malaman ni Ariel na may gusto si Rita kay Ella ay naging mapait ang pakikitungo nito sa katrabaho.

Pero hindi na para isipin pa ni Ella ang nararamdaman ni Rita at Ariel dahil karelasyon na niya si Dino. Kahit na subukan nila itong itago sa trabaho, mapapansin din ni Ariel na may namamagitan sa dalawa, at sa hindi malamang dahilan, mas lalong magiging mahigpit at masungit si Ariel kay Ella.

Isang gabi ay nag-celebreate sila ng birthday ni Ariel sa coffee shop, at bilang sorpresa kay Ariel, inimbitahan ni Ella si Rita. Silang apat, kasama na si Dino ay magsasaya at ‘di kalaunan ay makakaramdam ng pagkaakit sa isa’t isa na mauuwi sa mapusok at mainit na “foursome.”

Paano babaguhin ng pangyayaring ito ang pakikitungo nila sa isa’t isa? Manumbalik kaya ang nararamdaman ni Ariel kay Rita dahil sa nangyari? O mas pipiliin niyang alamin kung anong tunay niyang nararamdaman para kay Ella?

Pelikula ng direktor na si Topel Lee na kilala sa kanyang mga horror movies, ngayon, kakaibang excitement at pananabik ang hatid niya sa mga manonood.

Pinagbibidahan nina Vern Kaye, Alona Navarro, Micaella Raz, JD Aguas, at Shiena Yu – subukan na ang sarap ng “Rapsa,” now streaming sa VMX.

Samantala, handa ka na bang mawala sa sarili sa sobrang init ng mga eksena? Abangan ang “Ligaw,” ang bagong sexy drama mula sa VMX sa direksyon ni Omar Deroca, tampok sina Robb Guinto, Ali Asistio, JC Tan, at Rash Flores.

Iikot ang kuwento ng “Ligaw” kay Dolores (Guinto), isang babaeng nakatira sa kabundukan na isa ring mapagmahal na asawa, at ang kanyang mister na si Rodel (Tan) na nabaldado matapos ang isang trahedya.

Araw-araw inaalagaan ni Dolores ang kanyang asawa, ngunit sabik na rin siyang muling maramdaman ang init ng laman.

Makikilala ni Dolores si Jayron (Asistio), isang mountaineer na nagpatulong sa direksyon. Hindi mapipigilan ni Dolores na maakit kay Jayron, at ang tuksong ito ay mauuwi sa isang mainit at sikretong affair. Ngunit walang lihim ang mananataling nakatago.

Kukumprontahin ni Olan (Flores) si Dolores sa affair nito. Si Olan ay isang dating kasintahan na may hawak na matinding ebidensya na puwedeng sumira sa lahat ng pinoprotektahan ni Dolores.

Sa gitna ng panggugulo, pananakot, at pagtataksil, kailangang harapin ni Dolores ang mga bunga ng kanyang desisyon—at ang tunay na kahulugan ng pag-ibig.

Gaano kalayo ang kayang tahakin ng init ng damdamin bago tuluyang maligaw ang sarili? Alamin sa “Ligaw”, streaming na ngayon sa VMX. Para i-stream ang “Rapsa” at “Ligaw”, punta na sa web.vivamax.net.

Jennylyn Mercado, Dennis Trillo at Dylan

AMINADO ang award-winning actor at Kapuso Drama King na si Dennis Trillo na hindi pa rin nawawala ang mga tukso sa kanyang buhay.

Nakachikahan ng ilang members ng entertainment media si Dennis after ng contract signing niya bilang latest brand ambassador ng Beautéderm Corporation, na pag-aari ni Miss Rhea Anicoche-Tan.

Dito nga siya natanong kung lapitin pa rin ba siya ng tukso kahit matagal na silang nagsasama ni Jennylyn Mercado bilang mag-asawa, lalo pa ngayong may anak na rin sila.

“Siyempre, mga tukso, laging nandiyan yan. Pero du’n masusubok yung tibay ng pagsasama ninyo pag hindi na kayo nagpapaapekto sa mga tukso.

“Doon masusubukan kung gaano kayo katatag, kung gaano kayo katibay. And napakasuwerte ko sa aming relasyon ni Jen.

“Feeling ko, talagang na-master na namin yung isa’t isa, kilala na namin, kaya siguro harmonious na kaming magkasama,” pahayag ni Dennis.

 

View this post on Instagram

 

A post shared by Dennis Trillo (@dennistrillo)

Sundot na tanong sa kanya kung nagkakaselosan pa rin ba sila ni Jen, “Wala na kasi ano, e, mas malawak na ngayon ang pag-iisip namin bilang mga mature individuals.

“Siyempre, merong mga pagkakataon na darating, pero parang hindi na ganun kalakas yung impact sa aming mag-asawa,” aniya pa.

May mga pagkakataon bang nag-aaway o nagkakatampuhan pa rin sila ni Jennylyn? “Away, pagtatalo, kasama naman po yan sa relasyon, e.

“Kahit magkakaibigan, magkakasama lang sa bahay, nag-aaway. Ano pa kaya yung mag-asawa? Pero ang importante diyan, hindi kayo sumusuko sa isa’t isa.

“Lagi ninyong inuuna yung pagmamahalan n’yo. Lagi ninyong iniisip yung pamilya, yung kapakanan ng lahat,” sey pa ng aktor.

Inamin din ni Dennis na nagkakaroon din sila ng diskusyon ni Jennylyn pagdating sa pagdidisiplina sa mga anak nila, “Opo, yung mga clashes na ganyan, hindi talaga maiiwasan yan dahil magkaibang tao kami.

“Meron kaming mga iba’t ibang prinsipyo, mga pananaw sa buhay. Iba’t ibang pinaniniwalaan.

“Pero yun na nga, since magkasama naman kami halos araw-araw, marami kaming time din na pag-usapan kung ano talaga yung puwede nating pagkasunduan.

“Dito tayo magkakasundo, mag-meet tayo sa isang neutral ground na, alam mo yun, magiging patas ang lahat,” saad pa ng premyadong aktor.

Samantala, hindi raw uso sa celebrity couple ang pagpo-post ng cryptic message sa social media kapag meron silang issue bilang married couple.

“Naku, yun ang hindi namin gagawin. Dahil siyempre, unang-una, bilang mag-asawa, kung ano yung problema niyo, mas magandang ayusin niyo muna, kayong dalawa lang, kesa i-broadcast niyo sa iba.

“Dahil maraming manghihimasok na maaring makaapekto ng relasyon niyo. Siguro kung mga twenty years ago or ten years ago, baka ganu’n.

“Pero ngayon, medyo naging mature na kami. So, parang hindi na namin naging ugali,” aniya pa.

John Arcilla

BINOLDYAK ng award-winning actor na si John Arcilla ang mga taong nakaupo sa gobyerno matapos bumoto ngayong araw para sa 2025 midterm elections.

Napansin kasi ni John ang kundisyon ng napuntahang classroom na nagsilbing waiting area para sa mga botante.

Sa kanyang Facebook page, nag-share si John ng mga litrato kung saan ipinakita niya ang sira at bukbuking lamesa na matatakpuan sa loob ng nasabing classroom.

Ang mababasa sa inilagay niyang caption, “Nandito ako sa loob ng isang classroom na ginawang WAITING ROOM sa MAHABANG PILA para bumoto at ganito ang lamesa ng mga estudiyante sa loob ng classroom.

“Asan ang budget sa EDUKASYON?” ang bahagi ng kanyang patutsada sa mga opisyal ng gobyerno.

Pagpapatuloy pa niya, “Tapos boboto tayo ng mga corrupt eh nakaharap mismo satin ang EBIDENSIYA NG MGA MALI NATING PAGPILI?

“Ano na mga kababayan? AYUSIN NAMAN NATIN ANG PAGBOTO KAHIT LAST MINUTE,” ang hugot pa ng aktor.

Sandamakmak naman ang nag-react sa post ng premyadong aktor. Narito ang ilan sa nabasa namin.

“Nasa mga ayuda napunta ang pondo.”

“Sir, your on point. Nakaka disappoint talaga. Tapos 18.4M aged 10 to 64 functional illiterate. Ayaw nila ng matalinong botante.”

“Nagsisimula yan sa Barangay Officers na hinahayaan din ang public schools papuntabsa Mayor… at Gobernador ng probinsya na lahat sila ay mayroon naman pondo upang maipaayos ang eskwelahan.”

“Dyan yan sa lugar niyo dito samin ok naman mga chairs, yung may problem dyan is local saan napupunta yung binibigay sakanila?”

“Di ba nahihiya mga current officials dyan pgboto nla today gnyan ang sitwasyon ng baramgay school nla….smantala sila panay pasok sa bulsa,..kakapal nman oi.”

“Makakatulong ang mga TV networks sa  hindi paggawa ng teleserye na lalabas ang mga artistang tatakbo sa politica.”

“Nakakalungkot kung simpleng mesa ni hndi naaus man lng, samantalang xla my mga luxury bags at mamahaling relo.”

“Yung iba po sir gawa tlg ng mga students sinisira nila …s amin sir binabalibag, inuupuan (lamesa).”

“Tila likas na talaga kay John ang pagiging kritiko sa ilang mga isyung pampolitika.”

Isa si John sa mga celebrity na lantaran ang pagbatikos sa mga government officials na wala naman aniyang nagagawa para mapabuti ang kalagayan ng mga Filipino.

Nasabi rin niya sa isang interview na mas gusto niyang punahin ang mga nasa posisyon kesa sumabak sa mundo ng politika.

Vico Sotto

ILANG oras lamang pagkatapos ng botohan ngayong araw, May 11, ay marami na ang bumabati sa anak nina Vic Sotto at Coney Reyes na si Vico Sotto.

Si Vico ang nangunguna sa mga kandidatong tumatakbong mayor sa Pasig City base sa partial and unofficial results ng halalan as of May 12, 9:19 p.m..

Ayon sa datos mula sa Commission on Elections (Comelec) ang kasalukuyang mayor ng Pasig na tumatakbo sa kanyang ikatlong termino ay nakakuha na ng 262,906 votes.

Ang sinasabing pinakamahigpit niyang kalaban na si Sarah Discaya ay nakakuha ng 21,775 boto habang ang iba pang kandidato na sina Cory Palma at Eagle Ayaon ay nakapagtala ng 238 at 219 votes, respectively.

Para naman sa pagka-vice mayor, ang incumbent candidate na si Dodot Jaworski ay nangunguna rin sa labanan with 217,750 votes.

Ang kanyang mga kalaban na sina Iyo-Caruncho Bernardo at Kuya-Marc Dela Cruz ay may 53,005 at 4,342 votes, respectively.

Sa labanan sa pagka-congressman, nangunguna naman si Roman Romulo na may 260,566 votes na tumatakbo rin sa ikatlo niyang termino sa House of Representatives.

Nakakuha naman si Ian Sia ng 12,574 votes na na-disqualify sa eleksyon base sa naging desisyon ng Comelec kaugnay ng “pambabasto” umano niya sa mga single mother sa isa niyang campaign rally noong April.

Ang naturang mga resulta ay ibinase sa  74.57% naprosesong election returns ng Comelec mula sa 288,430 out of 463,885 voters. Habang isinusulat ang balitang ito ay patuloy pa rin ang bilangan ng mga boto sa Pasig.

Sharon Cuneta at KC Concepcion

MUKHANG tuluy-tuloy na nga ang maayos, tahimik at magandang relasyon ng mag-inang celebrity na sina Sharon Cuneta at KC Concepcion.

Pinusuan at ni-like ng mga netizens ang Mother’s Day greeting ni KC para sa pinakamamahal niyang ina sa pamamagitan ng social media.

Sa kanyang Instagram post, ibinahagi ng dalaga ang litrato nila ng nag-iisang Megastar kalakip ang madamdamin niyang mensahe. Tinawag pa niyang “My Queen” ang ina.

“Exactly a month ago, getting quality time with my Mama herself! Still one of the most iconic moments of my life with my one and only @reallysharoncuneta ~ our time together at the beach for my birthday.

“Happy Mother’s Day, Ma~ my queen, my day one, and now… my favorite girlfriend to hang with. I love you more than words can ever say. Here’s to more belly laughs and beautiful memories with you!” ang pagbati pa ni KC.

 

View this post on Instagram

 

A post shared by KC ~ also, KRISTINA. (@kristinaconcepcion)

Sa isa pa niyang Instagram post, ibinandera rin niya ang ibinigay na regalo kay Mega kabilang na ang bouquet ng pitong magkakaibang klase ng rosas, freshly from Ecuador.

Binigyan din niya si Ate Shawie ng jewelry na siya mismo ang nag-design. Aniya sa caption, “My turn to spoil the queen!”

“I also personally designed a bespoke pair of solid white & yellow gold heart-shaped drop earrings for her: ‘Four of Hearts’ is pavé-set with natural brilliant-cut diamonds, natural pink sapphires, and lustrous, round, soft pink Edison pearls (specially grown in freshwater mussels!)… 4 hearts, 1 bond… each gold heart representing us, her 4 children.

“Love you, Mom! You’ll always be our queen… @reallysharoncuneta,” sey pa ni KC.

Nagpasalamat naman si Sharon sa pagbati ng anak at sa Mother’s Day gifts nito para sa kanya, “My KC @kristinaconcepcion sent me these flowers (garden na ang dami eh…) and these beautiful earrings with the most beautiful pearls and four hearts representing my four babies!!!

“The messages on the cards are so special to me, too. Thank you, Toot! I love you so much!” mensahe ni Sharon.

Kris Aquino

NAGSALITA na ang Queen of All Media na si Kris Aquino tungkol sa mga nagpapakalat ng fake news na nakulam siya at namatay na.

Nakiusap si Kris sa lahat ng netizens at vloggers na gumagawa ng content tungkol sa kanyang karamdaman, na kesyo dead na raw siya at nabiktima ng kulam.

Sunud-sunod ang pagpo-post ni Kris sa social media nitong weekend kung saan nagbigay siya ng update sa hinggil sa kanyang health condition.

Sa isa niyang Instagram post, nabanggit ng TV host-actress na meron siyang update na ilalabas pagkatapos sumailalim sa PET scan.

Sey ni Kris, napapagod na siya sa mga fake news na naglalabasan sa socmed  about her health condition kasabay ng pakiusap sa publiko na itigil na ang pagpapakalat ng pekeng balita.

“Matagal ko nang gustong tumira sa tabing dagat kasi yung simoy ng hangin sobrang nakakatulong, bukas na lang after my pet scan i will tell you the TRUTH because i am so tired of seeing i am dead, na itong healer ang may solusyon, na may kumulam sa kin – please STOP,” ang pahayag ni Kris.

 

View this post on Instagram

 

A post shared by Bandera (@banderaphl)

Patuloy pa niya, “My faith in God’s mercy, in the salvation from Jesus Christ becoming man, and in Mama Mary’s mantle of protection – it remains strong.

“Let’s all continue to pray for everyone experiencing pain daily. Sana gumanda pa ang sahod ng mga govt health workers sa (Philippine flag emoji) para hindi na hangad ng marami ang mag trabaho abroad,” ang sey pa ni Kris.

Sa unang post ng TV host ay mapapanood ang video ng bunso niyang anak na si Bimby kasama ang singer-actress na si K Brosas, ang online show host na si Mama Loi at Tarlac Gov. Susan Yap.

Ayon kay Kris, naka-confine siya sa ospital para sa 2D Echo test at bago ito ay sumailalim muna siya sa PET (Position Emission Tomography) test.

“You are going to get a lot of Bimb. I am currently confined, now getting a 2D Echo. Tomorrow it’s my PET SCAN.

“I will give you a complete health update and we are choosing where we will be living kailangan ko ng fresh air and a cooler climate. The sea breeze will be wonderful may suggestions kayo?

“Currently I am a disenfranchised voter. Hindi ako nakaboto nung 2022 and I was in the (USA flag emoji) getting medical treatment for the Barangay elections. After you watch all my videos care of Bimb plus some (videos) for next week, please help me decide? Where will i be able to breathe fresh air?” pahayag pa niya.

Samantala, ibinahagi rin ni Kris na may bago na namang na-diagnose sa kanya na autoimmune disease, “In case you are counting i now have 9 diagnosed autoimmune diseases plus a 10th that came as a result of… (binitin niya).”

Sa isa namang hiwalay na video na kanyang ipinost ay mapapanood ang kanyang interview sa isang politiko. Sey ni Kris sa caption, “It felt so good, I haven’t interviewed anyone in about 4 years. This is the only interview i did- because malapit na.

“Please watch my first interview in years- i felt that i was home,” ani Kris.