Nakalabas na ng ospital si dating Pangulo at ngayon ay Pampanga Rep. Gloria Arroyo kahapon para sa kanyang Christmas furlough.
Pinayagan ng Korte Suprema si Arroyo na makalabas ng Veterans Memorial Medical Center alas-8 ng umaga at diretsong inihatid sa kanyang bahay sa La Vista Subd., Quezon City.
Agad na dinalaw ni Arroyo ang kanyang mga halaman pagdating nito sa bahay at tingnan ang kanilang Christmas tree.
Si Arroyo ay naka-hospital arrest kaugnay ng maanomalya umanong paggastos ng P366 milyong intelligence and confidential fund ng Philippine Charity Sweepstakes Office.
Pinayagan si Arroyo na makalabas mula Disyembre 23 hanggang 5 ng hapon ng Disyembre 26.
Muli siyang lalabas ng 8 ng umaga sa Disyembre 30 hanggang 5 ng hapon ng Enero 2.
The post Christmas furlough ni GMA inaprubahan appeared first on Bandera.