Image may be NSFW.
Clik here to view.
SINABI kahapon ng Palasyo na naibalik na ang power supply sa Mindanao matapos makaranas ng malawakang blackout na tumagal ng pitong oras.
Ayon kay Presidential Communications Operations Office (PCOO) head Secretary Herminio “Sonny” Coloma, batay sa ulat ng Energy Secretary Jericho Petilla nagsimula ang malawakang blackout sa Mindanao ganap na ala-1 ng umaga kahapon.
“Ayon po sa ulat ng DOE (Department of Energy) ay naibalik na ang supply ng kuryente, at ang kanilang hinala na bineberipika sa pamamagitan ng pag-aaral ay teknikal ang sanhi at hindi naman security lapse o security problem.
Kaya ito po ay inaalam ng DOE sa kasalukuyan,” sabi ni Coloma. Idinagdag ni Coloma na naibalik ang suplay ng kuryente sa Mindanao pasado alas-7 ng umaga.
