ISANG hiling ang ipinaabot ng ina ni Bianca de Vera na si Aileen Therese sa mga fans ng anak na ipagdasal ito pati na rin ang kanilang alagang aso na si Peach.
Sa kanyang Instagram stories nitong Lunes, May 5, ay makikitang nag-aagaw buhay at nakahiga na sa isang surgical bed ang alaga.
Saad pa ng ina ni Bianca, mayroon na lamang “less than 24 hours to live” si Peach.
“Bianca’s fans, friends, and family, I need you now. Please pray for Peach. She has less than 24 hours to live,” mababasa sa post ng ina ng aktres.
Baka Bet Mo: AC Bonifacio, Bianca de Vera nagkaayos na, nag-sorry sa isa’t isa
View this post on Instagram
Maririnig rin sa video ang pag-iyak ng ina ni Bianca at ang pakikiusap nito kay Peach na manatiling malakas para sa kanila.
Aniya, deserve ng kanyang anak na kasalukuyang nasa loob ng “Pinoy Big Brother” house na malaman ang tunay na lagay ng kanyang alagang aso.
“For me, she [Bianca] deserves to know talaga. Kung pwede lang i-pull out ko siya sa PBB, kasi alam ko mas importante ‘to sa kanya eh kaysa sa career na gusto niyang marating doon,” umiiyak na sabi ng kanyang ina.
Sey pa niya sa isang pang IG story, “Lord, save both of my babies pls.”
Agad namang nag-trending sa X (dating Twitter) ang sitwasyon ng alagang aso ni Bianca at nanawagan ang fans ng aktres sa pamunuan ng “Pinoy Big Brother” na hayaan ang aktres na malaman ang lagay ni Peach at payagan itong pansamantalang lumabas ng “PBB” house.
“As a fur parent, this is something I don’t want to see, but [I know] it will break her even more if she won’t be given a chance to see her dog one last time. pls, maawa naman @pbbabscbn give Bianca a chance to say goodbye to her dog. Allowing her to step outside your house won’t hurt,” saad ng isang netizen.
Comment naman ng isa, “Her mom knows her best and her saying her fur is more important than anything else is enough reason to let her see her dog even for a while. This is tough for a fur parent.”
Sa ngayon ay wala pang update ang ina ni Bianca tungkol sa sitwasyon ni Peach.
Wala pa ring malinaw na balita kung aware na ba ang Kapamilya actress sa lagay ng alagang aso.
Si Bianca ay isa sa mga natitirang housemate sa pinakabagong edisyon ng “Pinoy Big Brother” at kasalukuyang nominado at posibleng mapalabas sa paparating na eviction night sa Sabado, May 10.
Una itong nakilala sa kanyang pagganap bilang si Patricia Cunanan, kapatid ng karakter ni Kathryn Bernardo sa “2 Good 2 Be True” at bilang si Gwen Zhang sa collab series ng ABS-CBN at GMA na “Unbreak My Heart.”
The post Ina ni Bianca de Vera durog ang puso sa lagay ng alagang aso: Save both of my babies appeared first on Bandera.