TUWANG- tuwa si “Comedy Concert Queen” Ai-ai delas Alas nang makita ang ilang pagbabago sa mga gawi ng kanyang anak-anakang si Jiro Manio.
Nag-post si Ai Ai ng update sa kanyang Instagram account tungkol sa mga kaganapan sa buhay ng batang aktor na noong mga nakaraang buwan ay nakitang palaboy-laboy sa loob ng Ninoy Aquino International Airport Terminal 3 sa Pasay City.
Sa kanyang post, sinabi ni Ai Ai na natutuwa siya dahil marami ng pagbabago sa ugali ni Jiro.
Hiniling din ng aktres kay Jiro na sulatan nito ang kanyang biological Japanese father na si Yusuke Katakura at kinalakihang ama na si Andrew Manio.