Love na love talaga si Mama Guy ng fans niya. Imagine, hindi talaga sila pumayag na dumaan ang birthday ng Superstar this year nang ganoon-ganoon lang. They are actually throwing a big party for her today.
Hindi ko lang sasabibin kung saan ito gaganapin para maiwasan ang mga gatecrashers. Siyempre, darating ang birthday celebrator nating si Mama Guy who actually turned a year older the other day – May 21.
“Nakakatuwa ang mga fans, sabi ko nga sa kanila huwag na silang mag-abala at gastos lang iyan on their part. Pero hindi talaga sila pumayag kaya na-flatter talaga ako. Napakababait nila talaga – napaka-sweet nila ever since.
“Kaya paano ka nga naman hihinto sa pag-aartista kung ganito sila ka-concerned sa iyo? Nakaka-inspire magtrabaho pag ganito ka-supportive ang mga tagahanga mo,” ani Ms. Nora Aunor.
Iba ka talaga kasi Mama Guy – nag-iisa ka lang kasi sa hanay mo kaya ganoon ka nila kamahal. Kahit kami rin – sobrang mahal ka namin. Mwah!